«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Бизнес-омбудсмен көмекке асығады

2018 жылғы 16 Ақпан
- Жамбыл облысы
1844 просмотров

Биыл Қазақстанда құрылған «Бизнес-омбудсмен» институты 2 жылға толмақ. Институттың қызметін «Атамекен» Ұлттық кәсіпкерлер палатасы қамтамасыз етеді, ал өңірлерде арнайы өкілдіктері бар. Омбудсменнің аймақтағы жұмысы қалай жүргізілуде? Жамбыл облысы бойынша институттың қызметі туралы Өңірлік кәсіпкерлер палатасы директорының орынбасары Қайрат Сыдықов айтып берді

«Бизнес-омбудсмен кәсіпкер үшін орны бөлек, тың институт. Отандық бизнесте орын алған жүйелік мәселелерді, заңдағы кем-кетіктер мен бизнестегі кедергілермен тиімді күресуге мүмкіндік береді. Өздеріңізге белгілі, 2016 жылы маусым айында Қазақстанда кәсіпкерлердің құқықтарын қорғау жөніндегі уәкіл Болат Палымбетов Жамбыл облысына келді. Жұмыс сапары барысында облыс әкімімен және прокурормен кездесіп, онда өңірдегі кәсіпкерлердің көкейкесті мәселелерін талқыға салды. Облыстың мемлекеттік органдарының басшылары мен бизнес субъектілерінің қатысуымен өткен Палатаның және Өңірлік кеңес Төрағасының қатысуымен есеп беру жиынын өткізді. Кездесудің нәтижесінде ҰКП департамент директорлары кәсіпкерлерді қабылдап, сұрақтарын тыңдап, түсіндірме жұмыстарын жүргізді» - дейді Қайрат Сыдықов.

Бизнес-омбудсмен сектор аппаратымен көтерілген мәселелер оң шешілді. Мысалыға, нәтижесінде «Умтыл» шаруа қожалығына мемлекеттік субсидия төленді, жеке кәсіпкер Амантай Досмуханбетұлына банкттің кепіліндегі мүлікті босатуға жәрдем көрсетілді.

Осы орайда, «Пико» ЖШС директоры Анатолий Пактың жүгінуіне толығырақ тоқталып кетсек болады. Серіктестіктің директоры Кәсіпкерлердің құқықтарын қорғау жөніндегі уәкілмен жеке кездесуінде құрылыс павильондарына арналған жер учаскелерінің жалға берілу мерзімін ұзарту төңірегінде туындаған проблемасын айтты.

2015 жылдың шілдесінде қала әкімдігінің жер қатынастары бөлімі жалға беру мерзімін ұзартудан бас тартып, 30 күн ішінде павильондарды бұзу туралы хабарламаны кәсіпкерге жолдайды. Алайда, хабарландыру келмес бұрын сауда нысандары тұрғызылып қойған болатын. Сондай-ақ, себептердің қатарында бұрындары жер комиссиясының қорытындысы бола тұра, ЖШС-не әкімдікпен құқық белгілейтін  құжаттардың рәсімделмеуі бар. Әр сатыларда кедергілер басталған соң, нәтижесінде іс насырға шауып, сотқа дейін жетті. Бұл іске бизнес-омбудсмен секторы қосылып, ЖШС мүддесін қолдау білдіре бастады. Жағдай сараптамалық сатыдан өтіп, мемлекеттік органдарға хаттар мен өтініштер әзірленді, талап-арыздардың жобасы дайындалды. Бірқатар сот процесстерін кейін Жамбыл облысының мамандарылған экономикалық сотының шешімімен 2017 жылдың наурыз айында «ПИКО» ЖШС-не қатысты жанжалды қаулы заңсыз деп танылды. Бүгінде серіктестікте қалалық жер комиссиясының 6 жылға жалға беру мерзімін созу туралы оң қорытындысы бар. Қарымы мол, қауқары зор институт осылайша тараздық кәсіпкерге көмектесті.

Айта кету керек, өткен жылы Кәсіпкерлер палатасында 54 өтініш оң шешімін тапты.


Еншілес ұйымдар

Серіктестер