«Техникалық тапсырмаларда зауыттар көрсетілген»: ҰКП-да тендер мәселесі көтерілді
ҚР Ұлттық кәсіпкерлер палатасында қазақстандық тауар өндірушілер үшін сатып алуда туындаған кедергілер талқыланды. Іс-шараға сатып алу рәсімдерінің ондаған қатысушылары, оның ішінде «Қазақстандық энергетикалық жөндеу, жобалау, инжинирингтік компаниялар және электр жабдықтарын өндірушілер қауымдастығы» ЗТБ, «Кен-Құрылыс-Сервис» ЖШС өкілдері қатысты.
Басқарушы директор – Сатып алуды реттеу департаментінің директоры ҚР ҰҚП Руслан Шоқаев атап өткендей, бүгінде Үкімет отандық кәсіпорындарды қолдау бойынша бұрын-соңды болмаған шараларды қабылдап жатыр, бірақ соған қарамастан бизнес-қауымдастықтан сұраныстар көптеп түсуде.
«Өкінішке орай, кейбір Тапсырыс берушілер сатып алуды жүзеге асыру кезінде барлық әлеуетті жеткізушілерге тең мүмкіндіктер беруде адал бәсекелестік қағидаттарын сақтамайды. Іс жүзінде кәсіпкерлер тендерлік құжаттамада белгілі бір өндірушілер үшін нақты брендтер, үлгілер және басқа да техникалық сипаттамалар көрсетілген фактілермен жиі кездеседі», - деді Шоқаев.
.jpg)
Өз кезегінде «Қазақстандық энергетикалық жөндеу, жобалау, инжинирингтік компаниялар және энергетикалық жабдықтарды өндірушілер қауымдастығы» ЗТБ төрағасы Сергей Агафонов өткізілген тендерлерге алаңдаушылық білдірді.
«№4г блокты кластерлік сорғы станциясы (БКНС-4г)» және «№3 блоктық типті кластерлік сорғы станциясы (БКНС-3)» электрондық сатып алулар үшін, технологиялық процестердің құрамдас бөлігі болып табылатын жобалық-сметалық құжаттамада осы сорғыларды өндіруші зауыттар тікелей «сатып алулар үшін» нақты өлшемдерге дейін көрсетілген», - деді Агафонов.
«Кен-Құрылыс-Сервис» ЖШС атынан Тапсырыс берушінің өкілі Ғазиз Қатарбаев жүргізілген сатып алулар нәтижелері туралы хаттаманың күшін жою мүмкін еместігін хабарлады. Оған «Самұрық-Қазына» АҚ және оның ұйымдарының сатып алуды бақылау орталықтандырылған қызметі тарапынан бұзушылықтарды жою туралы хабарламаның болмауы себеп болды.
«Кен-Құрылыс-Сервис» ЖШС «Өзенмұнайгаз» АҚ-ның мердігері болып табылады және жабдық конкурстық құжаттамаға қоса бекітілген жобалық-сметалық құжаттамаға сәйкес жеткізілуі тиіс», - деп түйіндеді Ғазиз Қатарбаев.
Осылайша, бизнес өкілдері әлеуетті өнім берушілерден растайтын құжаттарды ұсына отырып, жабдықтың, техниканың (техникалық құрылғылардың), ғимараттардың (құрылыстардың), үй-жайлардың, бағдарламалық қамтамасыз етудің бар-жоғын анықтау үшін тендерлерге қатысатын кәсіпорындарға жергілікті жерде мониторинг жүргізуді ұсынды.
Отырыс қорытындысы бойынша тиісті шаралар қабылдау үшін отырыс хаттамасын «Самұрық-Қазына» АҚ-на жіберу туралы шешім қабылданды.
Пікір қалдыру:
Пікірлер: