«Атамекен» ҰКП алаңында OTP.kz электрондық сауда алаңының таныстырылымы өтті
«Атамекен» Ұлттық кәсіпкерлер палатасының алаңында электрондық дүкен арқылы мемлекеттік сатып алуды жүргізуге арналған OTP.kz жаңа электрондық сауда алаңының тұсаукесері өтті.
Іс-шараға бизнестің 30-дан астам өкілдері қатысты. Тұсаукесер барысында платформаның функционалдық мүмкіндіктері, тіркеу ерекшеліктері, сондай-ақ сатып алу рәсімдеріне қатысу тәртібі көрсетілді.
Меншік иесі «KZ Trade Market» ЖШС болып табылатын OTP.kz электрондық сауда алаңы электрондық сауда алаңдарына қойылатын талаптарға сәйкестік сынақтарынан сәтті өтті және 2025 жылғы 5 қарашадан бастап электрондық дүкен арқылы мемлекеттік сатып алуды жүргізу үшін қосылды. Алаң қазақстандық тауар өндірушілерді қолдауға бағытталған.
Электрондық сауда алаңының мүмкіндіктерімен https://otp.kz ресми сайтта танысуға және тіркеуден өтуге болады.
Іс-шара қорытындысы бойынша бизнестің жаңа электрондық сауда алаңының мүмкіндіктері туралы хабардарлығын арттыру және отандық өндірушілердің мемлекеттік сатып алуға қатысуын кеңейту мақсатында оқыту іс-шараларын, оның ішінде өңірлердің өкілдері үшін одан әрі өткізу жоспарланып отырғаны айтылды.
Пікір қалдыру:
Пікірлер: