Жаңа номинация: «Алтын сапа» сыйлығы цифрлық инноваторларға жол ашады
Республикалық комиссия теориялық әзірлемелерді емес, іс жүзінде тиімділігін дәлелдеген нақты жобаларды бағалайтын болады.
Еліміздің басты байқауы – ҚР Президентінің «Алтын сапа» сыйлығында айтулы өзгерістер болды. Мемлекет басшысының жаңартылған Жарлығына сәйкес, марапат құрылымына жаңа — «Үздік цифрлық даму жобасы» номинациясы енгізілді. Бұл шешім жасанды интеллектті (ЖИ) ұлттық экономиканың басымдықтары қатарына ресми түрде қосып, отандық кәсіпорындардағы сапаны бағалау философиясын түбегейлі өзгертеді.
Ұзақ жылдар бойы «Алтын сапа» сыйлығы негізінен өнеркәсіп алпауыттары, аграрлық сектор мен халық тұтынатын тауарларды өндірушілер үшін бағдар болып келді. Алайда қазіргі заман талабы өз ережелерін ұсынуда. Бүгінде өнім сапасын өндірістік процестердің цифрлық бағытынан бөліп қарау мүмкін емес.
ЖИ және цифрлық шешімдер саласындағы арнайы номинацияның ашылуы — Президент Қасым-Жомарт Тоқаевтың технологиялық ел құру бағытындағы стратегиялық ұстанымының айқын көрінісі. Мемлекет басшысы жасанды интеллект бағдарламашылардың ермегі емес, еңбек өнімділігі мен басқару тиімділігін арттырудың нақты құралына айналуға тиіс екенін бірнеше рет атап өткен болатын.
Алгоритмнен — табысқа
Жаңа номинацияның басты ерекшелігі — оның терең практикалық сипатында. Республикалық комиссия теориялық зерттеулерді емес, «тәжірибе алаңында» өз тиімділігін дәлелдеп үлгерген нақты жобаларды бағалайды. Бұл ретте келесі ифрлық шешімдер қабылданды:
- өндірістік шығындарды түбегейлі азайту;
- маңызды тораптардағы адами фактор әсерін барынша азайту;
- болжамдардың дәлдігі мен шешім қабылдау жылдамдығын арттыру.
Жобалардың ауқымдылығына ерекше назар аударылады. Сарапшылардың пікірінше, бір кәсіпорынның сәтті цифрлық кейсін металлургиядан бастап қызмет көрсету саласына дейінгі басқа секторларда бейімдеп, қолданудың маңызы зор.
ЖИ-жобаларды бағалау барынша объективті әрі кәсіби болуы үшін байқаудың Республикалық комиссиясының құрамы да өзгерді. Жұмысқа ҚР Премьер-Министрінің орынбасары – Жасанды интеллект және цифрлық даму министрі тартылды.
Байқауға қатысушыларды бағалауға бейінді министрлік басшысының қатысуы «Алтын сапа» мәртебесіне халықаралық стандарттарға сай келетін, шын мәніндегі серпінді технологиялар ие болатынына кепілдік береді. Бұл байқаудың деңгейін жаңа биікке көтереді.
Кәсіпкерлер үшін жаңа номинация мемлекеттік қолдаудың қосымша мүмкіндіктерін ашады. Ел Президенті деңгейіндегі мойындау — бұл халықаралық нарықтарға жол ашатын және компанияның инвестициялық тартымдылығын арттыратын қуатты беделдік актив.
«Үздік цифрлық даму жобасы» санатының енгізілуі нарыққа нақты белгі береді: мемлекет болашаққа инвестиция салатындарды қолдауға дайын. Енді Big Data, машиналық оқыту және автоматтандыру саласындағы инноваторлардың өз компаниясының есімін еліміздің үздік кәсіпорындарының шежіресіне жазуға мүмкіндігі бар.
Пікір қалдыру:
Пікірлер: