МҰНАЙ-ГАЗ СЕКТОРЫ: АСТАНАДА МАҢЫЗДЫ САЛА МАМАНДАРЫ ЖЫЛДЫҢ ҚОРЫТЫНДЫ ЖИЫНЫН ӨТКІЗДІ

2025 жылғы 26 Желтоқсан

1342 просмотров

Астанада Petrocouncil Қазақстан мұнай-газ кеңесінің және PetroMining мұнай өндіру ұйымдары қауымдастығының қорытынды іс-шарасы өтті. Онда 2025 жылдың түйінді қорытындылары шығарылып, мұнай-газ саласын дамыту жөніндегі бастамалар ұсынылды.

Жиынға ҚР Парламентінің депутаттары, Энергетика министрлігінің, ұлттық компаниялардың басшылары, ірі мұнай-газ және мұнай сервистік ұйымдарының өкілдері, сондай-ақ, North Caspian Operating Company (NCOC), Теңізшевройл (TШO) және Қарашығанақ Петролеум Оперейтинг Б. В. үш негізгі компанияның өкілдері қатысты.

PetroMining Қауымдастығының президенті Саят Боранбеков пен PetroCouncil Мұнай-газ кеңесінің төрағасы Асылбек Жакиев қазақстандық өндірісті арттыруға, мұнай өндіруді локализациялауға, ұлғайтуға және мұнай өнімдерінің ішкі нарығындағы теңгерімсіздіктерді теңестіруге бағытталған жобалар туралы баяндады.

Тәуелсіздік алған сәттен бастап Қазақстан өндірілген мұнайдың нарықтық құны бойынша 1 триллион АҚШ долларын құрайтын есептік көрсеткішті еңсерді. Бұл елдің мұнай кірістерінің экваторын білдіреді. Кейінгі жылдары жағдай жүйелі реформаларға, ең алдымен заңнамалық деңгейде аса мұқият қарауды талап етеді. Іс-шара аясында 40 салалық сарапшының сауалнамасы және «Talap» қолданбалы зерттеулер орталығының әдіснамасы негізінде дайындалған «Мұнай-газ саласын дамытуға қосқан үлесі-2025» рейтингі ұсынылды. Оның басшысы Рахым Ошақбаев болып табылады. Рейтинг компаниялардың корпоративтік стандарттарды арттыруға, адами капиталды дамытуға, еңбекті қорғау нормаларын сақтауға және басқарудың тұрақты тәжірибелерін енгізуге қосқан үлесін көрсетеді.

Іс-шараға қатысушылар басқарудың инновациялық құралдарына ерекше назар аударды. Алғаш рет аймақтардағы мұнай тапшылығын және тұтынудың өсуін болжауға (мысалы, FlightRadar деректері негізінде авиакеросин) сондай-ақ, теміржол жеткізу маршруттарын оңтайландыруға қабілетті жасанды интеллект жүйесі енгізілді.

«Атамекен» Ұлттық Кәсіпкерлер палатасының Мұнай-газ секторы департаменті өз кезегінде кәсіби салалық сараптаманы қалыптастыра отырып және институционалдық шешімдерді әзірлеуге қатысып, мұнай-газ саласын қолдауды қамтамасыз етеді. Бұл ретте департаменттің басқа секторлармен бірлесіп бизнесті дамыту және қорғау жөніндегі жұмысы ерекше атап өтілді.

Айта кетейік, «Атамекен» ҰКП Мемлекет басшысының 2023 жылғы 1 қыркүйектегі Қазақстан халқына Жолдауын іске асыру жөніндегі Жалпыұлттық іс-шаралар жоспарының бірлесіп орындаушысы болып табылады. 2024-2025 жылдары Палата қамқорлығымен Президенттің тапсырмаларын іске асыру кезінде туындайтын проблемаларды егжей-тегжейлі талдау үшін төрт дөңгелек үстел және бірнеше кеңестер өткізілді. Іс-шаралар қорытындысы бойынша геолог-ғалымдар мен сарапшылар Мемлекет басшысының тапсырмасына сәйкес заң жобасына түзетулер дайындады. Мәселе бизнесті қорғау шеңберінде Палатаның тұрақты бақылауында.

Сонымен қатар, департамент «Қазақстан Республикасының кейбір заңнамалық актілеріне газбен жабдықтау және тауарлық газды үнемді тұтыну мәселелері бойынша өзгерістер мен толықтырулар енгізу туралы» заң жобасын әзірлеуге қатысты. Атап айтар болсақ:

- Кәсіпкерлік Кодекске, «Газ және газбен жабдықтау туралы», «Табиғи монополиялар туралы», «Сәулет, қала құрылысы және құрылыс қызметі туралы» заңдарға және «Әкімшілік құқық бұзушылық туралы» кодекске өзгерістер енгізу;

- деректерді қашықтықтан беруді және есепке алу аспаптарының техникалық регламенттер мен ұлттық стандарттар талаптарына сәйкестігін қоса алғанда, газды тұтынудың реттеуші құралын енгізу.

Сондай-ақ, «Мұнай өнімдерінің өндірісі мен айналымын мемлекеттік реттеу туралы» заңға шағын мұнай өңдеу зауыттарын мұнай жеткізу кестесіне енгізуге, жеңіл мұнай өнімдерінің өндірісін жаңғыртуға және өндірістік тиімділікті арттыру үшін жеңілдікті қаржыландыруды қамтамасыз етуге мүмкіндік беретін түзетулер енгізуге Ұлттық палата белсенді қатысты.

«Атамекен» ҰКП Қазақстанның экономикасының тұрақты дамуына елеулі үлес қоса отырып, үздік тәжірибелерді ілгерілету, еңбек жағдайларының сапасын арттыру, кадрлық әлеуетті дамыту және мұнай-газ секторының институционалдық сараптамасын нығайту жөніндегі жұмысты жалғастыруда.